Një ditë pas publikimit të përgjimit audio kundër vëllait të Ministrit të Brendshëm Fatmir Xhafaj, në zyrë këtij të fundit i kanë shkuar dy kolegë, zyrtarë të lartë të PS-së.

Në godinën e Ministrisë është parë të hyjnë Taulant Balla, kreu i grupit parlamentar si dhe deputeti Erjon Braçe. Nuk ka asnjë lloj informacioni deri më tani se për çfarë kanë diskutuar palët. Presioni i ushtruar nga opozita nuk ka qenë i vogël dhe mbetet ende mister nëse Ministri i Brendshëm do të japë apo jo dorëheqjen.

Nga ana tjetër Qeverisë në Tiranë i mungon “koka”, pasi Edi Rama është në një vizitë zyrtare drejt Parisit, aty ku ka takuar Presidentin Macron.

Pas publikimit të përgjimit audio kundrejt Agron Xhafajt, reagimi i vetëm zyrtar ka qenë ai i Taulant Ballës, i cili tha se prokuroria duhet të hetojë çështjen e të dënojë fajtorët, qofshin këta të akuzuarit (Agron e Fatmir Xhafaj), apo akuzuesit (vetë PD).

Eagimi tjetër, po ditën e djeshme, ka qenë ai i vetë të akuzuarit Agron Xhafaj. Ky i fundit ka depozituar në prokurori një kallëzim penal për shpifje, drejtuar PD-së./Gazeta Express